Google ADS

Erdogan zotohet se do të ‘shtypë kokat e terroristëve’ kurdë

21:18 | 19 Tetor 2019
Trina Galanxhi

Presidenti turk Recep Tayyip Erdogan ka deklaruar se Turqia do të ‘shtypë kokat’ e luftëtarëve kurdë, nëse ata nuk tërhiqen nga zona e planifikuar e sigurisë në veri të Sirisë.

Turqia ra dakors që të enjtën të pezullojë ofensivën e saj për pesë ditë, në mënyrë që kurdët të tërhiqen nga zona, transmeton portali arbresh.info

Megjithatë, të shtunën të dy palët akuzuan njëra-tjetrën për shkeljen e armëpushimit.

Ankaraja i shikon forcat kurde si terroristë dhe dëshiron që të krijojë një ‘zonë të sigurtë’ brenda Sirisë.

Që nga fillimi i ofensivës turke në verilindje të Sirisë, rreth 300 mijë njerëz kanë braktisur shtëpitë.

Në një intervistë për televizionin e Kayseri, Presidenti Erdogan tha se nëse luftëtarët kurd nuk tërhiqen deri të marten në mbrëmje, sikurse është rënë dakord në armëpushim,  ‘ne do të fillojmë të shtypim kokat e terroristëve kurdë’.

Erdogan pritet të zhvillojë bisedime me Presidentin e Rusisë, Vladimir Putin gjatë javës së ardhshme. /arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm